СОРТОО

“ЭЭЖДЭЭ ЗОРИУЛСАН БИДНИЙ ТӨГӨЛ”-ӨӨ УСЛАХ УСАЛГААНЫ ХУВААРЬ (8-10 САР)

2010-08-03T05:20:00.000-07:00

ТАЙЛБАР:
“Ээждээ зориулсан бидний төгөл”-ийг байгуулж эхлэх үеэр ЭНЭШТ-ийн удирдлагуудтай хийсэн гэрээ ёсоор тарьж ургуулсан зүлэг модыг ЭНЭШТ-ийн ажилчид хуваарьтай талбай бүрээ арчилж тордож ургуулах ёстой байсан. Мөн төглийн нээлтэнд оролцсон ЭНЭШТ-ийн удирдлагууд төглөө арчилж тордохоо амласан билээ. Гэсэн хэдий ч урд хэсгийн талбай хаягдаж, бидний тарьсан зүлгийг эмнэлэгийн зүгээс огт услахгүй байгаа учраас залуус бид усалгааны хуваарь гаргаж услахаар боллоо.
АНХААРУУЛГА!
Хөшөө орчмын талбайг Нийслэлийн захирагчийн албанаас хариуцаж тохижуулсан боловч арчилгаа, тордолгоо хийхгүй байгаагаас моднууд нь хатаж үхэж, тарьсан зүлэг нь ургахгүй зэрлэгт дарагдаж, өдий болтол хогийн сав ч байрлуулаагүй байгаа нь харамсалтай. Нийслэлийн захирагчийн алба хариуцсан талбайдаа анхаарал хандуулна уу.

ХУВААРЬ:
8 сарын 7. Б.Дашхүү (“Сортоо” клуб)
8 сарын 14. Н.Эрхэмбаяр (“Суундар” ХХК)
8 сарын 21. Б.Наранцэцэг (“Ladies aura” клуб)
8 сарын 28. Ц.Шийрэв (БГД 14-р хороо)
9 сарын 4. Б.Алтанхуяг (“Энхийн төлөө үйлчлэхүй” ТББ)
9 сарын 11. Ж.Лувсандорж (“Яруу сэтгэгч” сонин)
9 сарын 18. Э.Энхсайхан (“Лавайн эгшиг” FM)
9 сарын 25. М.Базаррагчаа (“Ногоон хонх” ТББ)
10 сарын 2. Б.Норовсүрэн (“Монголын эко зохистой хөгжлийн холбоо” ТББ)
10 сарын 9. Хуншагай (“Ladies aura” клуб)
10 сарын 16. Э.Бадамгарав (“Fohow” ХХК, Nice баг)

АНХААРАХ ЗҮЙЛС:
1. Долоо хоногт 1 удаа услаж байгаа учраас услах хуваариа өндөр хариуцлагатайгаар мөрдөх.
2. Хуваарийг Бямба гаригт зоосон байгаа бөгөөд Бямба, Ням гаригын аль боломжтойг нь сонгон услаж болно.
3. Өдөрт 1 удаа зөвхөн урд талбайн ногоон зүлэг болон моднуудын тогоог дүүртэл услана.
4. Услах цаг нь өглөө 06:00- 09:00, Орой 18:00- 24:00 цагуудаас өөрөө цагаа сонгож услана. Амжаагүй тохиолдолд шөнө усласан ч болно.
5. Тухайн өдөр хариуцсан хүн өөрөө услаж амжихгүй болсон тохиолдолд өөрийнхөө байгууллагаас заавал төлөөлөл буюу итгэлтэй хүн явуулж услуулна.
6. Усалгааны шаланкыг Захиргааны байрнаас авч усласаны дараа хүлээлгэн өгнө.
7. Шаланк өргөх, шаланкаа зөөх мэт ажил гарах учир 2 хүн байвал тохиромжтой.
8. Олуулаа очсон тохиолдолд услахгүй байгаа хүмүүс нь модны ойр орчмын зэрлэгийг түүдэг байж болно.

ЖИЧ:
Энэ удаагийн хуваарьт 7 хүн, байгууллагаа төлөөлөн услахаар болсон бөгөөд 1 хүн 2 сард 1 удаа ирэх юм. Байгууллага хамт олон, найз нөхдөөрөө болон “Ээждээ зориулсан бидний төгөл” хөтөлбөрт бүртгүүлж нэр нь бичигдсэн хэдий ч бүтээн босгох ажилд бодитой хувь нэмэр оруулж чадаагүйдээ санаа зовж байгаа хүн байвал ЭНЭШТ-ийн усалгааны хуваарьт нэрээ бүртгүүлж ээждээ зориулсан төглөө услах боломжтой.

Таныг хүндэтгэсэн: Хөтөлбөрийн зохицуулагч: Ж.Лувсандорж

ЭЭЖДЭЭ ЗОРИУЛСАН БИДНИЙ ТӨГӨЛ ТВ нэвтрүүлэг ЭХ ОРОН Телевизээр цацагдлаа

2010-07-01T20:05:00.000-07:00

“Ээждээ зориулсан бидний төгөл”-өө услах усалгааны хуваарь (7 сар)

2010-07-01T02:57:00.000-07:00

Тайлбар: “Ээждээ зориулсан бидний төгөл”-ийг байгуулж эхлэх үеэр ЭНЭШТ-ийн удирдлагуудтай хийсэн гэрээ ёсоор тарьж ургуулсан зүлэг модыг ЭНЭШТ-ийн ажилчид хуваарьтай талбай бүрээ арчилж тордож ургуулах ёстой байсан. Мөн төглийн нээлтэнд оролцсон ЭНЭШТ-ийн удирдлагууд төгөлөө арчилж тордохоо амласан билээ. Гэсэн хэдий ч урд хэсгийн талбай хаягдаж, бидний тарьсан зүлгийг эмнэлэгийн зүгээс огт услахгүй байгаа учраас залуус бид усалгааны хуваарь гаргаж услахаар боллоо.

Хуваарь:
7 сарын 5. Б.Ачхүү ба түүний нөхөд
7 сарын 6. Б.Дашхүү (“Сортоо” клуб)
7 сарын 7. Н.Эрхэмбаяр (“Суундар” ХХК)
7 сарын 8. Б.Наранцэцэг (“Ladies aura” клуб)
7 сарын 9. Ц.Шийрэв (БГД 14-р хороо)
7 сарын 10. Б.Алтанхуяг (“Энхийн төлөө үйлчлэхүй” ТББ)
7 сарын 11. Ж.Лувсандорж (“Яруу сэтгэгч” сонин)
7 сарын 12. Э.Энхсайхан (“Лавайн эгшиг” FM)
7 сарын 13. М.Базаррагчаа (“Ногоон хонх” ТББ)
7 сарын 14. С.Соёлмаа (‘Fohow” ХХК)
7 сарын 15. Б.Норовсүрэн (“Монголын эко зохистой хөгжлийн холбоо” ТББ)
7 сарын 16. Хуншагай (“Ladies aura” клуб)
7 сарын 17. Э.Бадамгарав (“Fohow” ХХК, Nice баг)
7 сарын 18. Мandy (“Luna Blanca” ресторан)
7 сарын 19. Б.Ачхүү ба түүний нөхөд
7 сарын 20. Б.Дашхүү (“Сортоо” клуб)
7 сарын 21. Н.Эрхэмбаяр (“Суундар” ХХК)
7 сарын 22. Б.Наранцэцэг (“Ladies aura” клуб)
7 сарын 23. Ц.Шийрэв (БГД 14-р хороо)
7 сарын 24. Б.Алтанхуяг (“Энхийн төлөө үйлчлэхүй” ТББ)
7 сарын 25. Ж.Лувсандорж (“Яруу сэтгэгч” сонин)
7 сарын 26. Э.Энхсайхан (“Лавайн эгшиг” FM)
7 сарын 27. М.Базаррагчаа (“Ногоон хонх” ТББ)
7 сарын 28. С.Соёлмаа (‘Fohow” ХХК)
7 сарын 29. Б.Норовсүрэн (“Монголын эко зохистой хөгжлийн холбоо” ТББ)
7 сарын 30. Хуншагай (“Ladies aura” клуб)
7 сарын 31. Э.Бадамгарав (“Fohow” ХХК, Nice баг)
8 сарын 1. Мandy (“Luna Blanca” ресторан)

Анхаарах зүйлс:
1. Өдөрт 1 удаа зөвхөн урд талбайн ногоон зүлгийг услана.
2. Услах цаг нь өглөө 06:00- 09:00, Орой 18:00- 24:00 цагуудаас өөрөө цагаа сонгож услана. Амжаагүй тохиолдолд шөнө усласан ч болно.
3. Тухайн өдөр хариуцсан хүн өөрөө услаж амжихгүй болсон тохиолдолд өөрийнхөө байгууллагаас заавал төлөөлөл буюу итгэлтэй хүн явуулж услуулна.
4. Усалгааны шаланкыг Захиргааны байрнаас авч усласаны дараа хүлээлгэн өгнө.
5. Шаланк өргөх, шаланкаа зөөх мэт ажил гарах учир 2 хүн байвал тохиромжтой.
6. Олуулаа очсон тохиолдолд услахгүй байгаа хүмүүс нь модны ойр орчмын зэрлэгийг түүдэг байж болно.

Жич: Энэ удаагийн хуваарьт 14 хүн, байгууллагаа төлөөлөн услахаар болсон бөгөөд 1 хүн 14 хоногт 1 удаа ирэх юм. Байгууллага хамт олон, найз нөхдөөрөө болон “Ээждээ зориулсан бидний төгөл” хөтөлбөрт бүртгүүлж нэр нь бичигдсэн хэдий ч бүтээн босгох ажилд бодитой хувь нэмэр оруулж чадаагүйдээ санаа зовж байгаа хүн байвал 8, 9 сарын усалгааны хуваарьт нэрээ бүртгүүлж ээждээ зориулсан төглөө услах боломжтой.

Таныг хүндэтгэсэн: Хөтөлбөрийн зохицуулагч: Ж.Лувсандорж

“Ээждээ зориулсан бидний төгөл”-өө услах усалгааны хуваарь (7 сар)

"Ээждээ зориулсан бидний төгөл"-ийн нээлт сайхан болж олон ээж баярын нулимс дусаалаа

2010-06-23T10:19:00.000-07:00

Ээждээ зориулж мод тарьсан залуусынхаа ээж нарт энэхүү клипийг зориулав

2010-06-22T00:07:00.000-07:00

“Ээждээ зориулсан бидний төгөл” хөтөлбөрт хамрагдаж, ээждээ зориулж мод тарьсан залуусынхаа ээж нарт энэхүү клипийг зориулав, (бидэнд илгээсэн эх үрсийн зургаар дүрсжүүлэв)

Хөтөлбөрийн залуус

Бид ЭЭЖДЭЭ ХАЙРТАЙ аяны сүлд дуу

Үг Б.Балдорж Ая А.Мөнгөншагай

ИЖИЙГЭЭ ГОМДООХ УЧИРГҮЙ
Ариухан хэвлийдээ арван сар тээж
Араг үүрч галаа түлсэн
Амьдрал хэмээх их далайд авчирсан
Ачит ижийгээ битгий гомдоогоорой

Дх:Үртэй хүний жаргалыг өдөр болгон мэдрүүлж
Үгсийн сайхныг өдөр болгон хэлмээр
Ижийгээ хайрлаж явхад би алзахгүй
Ижий минь та наддаа шүтээн билээ.

Алаг үр болж мэндлэн төрөөд
Амьдралд нь баяр баясалыг мэдрүүлж
Нарт хорвоод ганц заяах ижийгээ
Насан туршид нь баярлуулж яваарай
Дх:

Энрийлэх хайрыг нь дааж яваарай
Ижийгээ гомдоох учиргүй
Ижийгээ би, гомдоох учиргүй
Дх:

ЭЭЖДЭЭ ЗОРИУЛСАН БИДНИЙ ТӨГЛИЙН НЭЭЛТИЙН АЖИЛЛАГААНД УРЬЖ БАЙНА

2010-06-12T03:31:00.000-07:00

Сайн байцгаана уу.

ЭЭЖДЭЭ ЗОРИУЛСАН БИДНИЙ ТӨГӨЛ амжилттай цэцэглэж байгаад бид бүхэн баяртай байна.

Төглийн албан ёсны нээлтийн үйл ажиллагаа 2010 оны 6-р сарын 20-ны 11:00 цагт эхлэх боллоо.

Хөтөлбөрт албан ёсоор оролцсон залуучууд 2010 оны 6-р сарын 20-ны 11:00 цагт нээлтэндээ ЭЭЖИЙН ХАМТ ХҮРЭЛЦЭН ИРНЭ ҮҮ.

Тиймээс Сортоо клубд хүрэлцэн ирж Ээждээ өгөх УРИЛГАА АВНА УУ.

Мөн 6 сарын 19-ний 12:00 цагаас Нээлтийн бэлтгэл ажил болох тул ЭНЭШТ-д хүрэлцэн ирнэ үү.

Та бүхэнд маш их баярлалаа

Зохион байгуулалтын баг

"Ээждээ зориулсан бидний төгөл" ТВ нэвтрүүлэг хийхээр боллоо

2010-06-11T02:08:00.000-07:00

"Ээждээ зориулсан бидний төгөл" хөтөлбөрийн хүрээнд ТВ нэвтрүүлэг хийхээр болсон тул нийт оролцсон хүмүүс 2010 оны 6 сарын 12-ны 12:00 цагт Төглийн хөшөөний хажууд цуглана уу.

Зохион байгуулалтын баг
"Эх орон" ТВ

"Ээждээ зориулсан бидний төгөл" цэцэглэж байна

2010-06-06T08:56:00.000-07:00

Зүлэг тарих ажил 14 хоног үргэлжилж өнөөдөр зүлгээ тарьж дууслаа. Хөтөлбөрийн хүрээнд 1 сар гаруй хугацаанд модны нүхээ ухаж, 2000 гаруй мод бут тарьж, газраа хагалж, хар шороо дэвсэж зүлгээ тарьж, усалж тордож ургуулж, үүрийн 4 цаг хүртэл мод, зүлгээ усалсан тохиолдол цөөнгүй байлаа.Энэ хугацаанд эмнэлэгийн хамт олноос нэг ч хүн ажилд туслаагүй бөгөөд худлаа үнэн ч болтугай баярлалаа гэж хэлэх хүн гараагүй байгаа нь гайхалтай.
Зүлэг тарихын тулд газраа хагалж, тармаж цэвэрлээд, хар шороогоо 10 см дэвсэж үрээ цацаад дээрээс нь элсээ нимгэн цацаад шолбо услаж, дараа нь өдөр бүр усладаг билээ.

Ингээд бидний мод зүлэг тарих ажил амжилттай дууслаа. Дөнгөж дуусмагц хур бороо асгарч бидний ажлыг дэмжиж байгаагаа илэрхийллээ.

Одоо энэ сайхан төгөлөө арчилж тордож ургуулж, төгөлийнхөө сэлүүхэн чөлөөнд суух аз жаргалтай хүмүүсийг харах л үлдлээ дээ.

“Ээждээ зориулсан бидний төгөл” хөтөлбөрийн дэмжигчид ЗҮЛЭГЖҮҮЛЭХ ажилд оролцоно уу

2010-05-28T01:05:00.000-07:00

Сайн байцгаана уу.

“Ээждээ зориулсан бидний төгөл” хөтөлбөр амжилттай үргэлжилж Мод тарих ажил дуусаж, зүлэгжүүлэх болон модоо ургуулах ажил эхлэж байна.
Хөтөлбөрийн хүрээнд хийгдэж байгаа ЗҮЛЭГЖҮҮЛЭХ үйл ажиллагааны бэлтгэл ажил хийгдэж байгаа бөгөөд 2010 оны 5 сарын 30-ны 12:00 цагт үргэлжлэн хийгдэх тул хөтөлбөрийг дэмжиж ээждээ зориулж мод тарихаар албан ёсоор бүртгүүлсэн хувь хүн албан байгууллагууд болон дэмжигчид ЭНЭШТ-ийн урд талбайд хүрэлцэн ирнэ үү.

Хувийн бэлтгэл:
1. Маск
2. Бээлий

Дэмжиж хамтран ажилласан та бүхэндээ баярлалаа.

Зохион байгуулалтын баг

"Бид ээждээ хайртай" аяны сүлд дуу болох "Гурван бүдүүн" хамтлагийн дуулсан "Ижийгээ гомдоох учиргүй" дуу клиптэй боллоо

2010-05-26T07:28:00.000-07:00

“ЭЭЖДЭЭ ЗОРИУЛСАН БИДНИЙ ТӨГӨЛ” Хөтөлбөрийг дэмжиж Вашингтоны Монголчууд 700$ хандивлалаа

2010-05-25T04:05:00.001-07:00

Алс хол нутагт суугаа элэг нэгт ахан дүүсдээ болон хандивийг зохион байгуулж оролцсон Төмөрбат ахдаа чин сэтгэлээсээ талархаж байгаагаа илэрхийлж мэхийн ёслоё.
"Ээждээ зориулсан бидний төгөл" цогцлоон босоход та бүхэн хамт байсанд талархлаа. Төглийн нээлтийн ажиллагаанд та бүхний ээж нарыг хүндэтгэлтэйгээр урин залах учир ээж нартайгаа холбоо барих утасыг илгээнэ үү. Мөн ээжтэйгээ хамт авахуулсан зургаа илгээнэ үү.

Вашингтоны монголчууд -

“ЭЭЖДЭЭ ЗОРИУЛСАН БИДНИЙ ТӨГӨЛ” Хөтөлбөрийн ЗҮЛЭГЖҮҮЛЭХ АЖЛЫН бэлтгэл эхэллээ

2010-05-24T06:22:00.000-07:00

Хөтөлбөрийн хүрээнд төлөвлөгдсөн байсан ЗҮЛЭГЖҮҮЛЭХ ажлын бэлтгэл эхэллээ. Нийт талбайгаа гишгиж хөрсийг сулласаны дараа тармуураар тармаж хог, том чулууг нь цэвэрлэж хөрсөө тэгшлээд дээр 8- 10 см орчим хар шороо дэвсэж эхэллээ.

“ЭЭЖДЭЭ ЗОРИУЛСАН БИДНИЙ ТӨГӨЛ” Хөтөлбөрийн яг одоогийн үйл явц, (шинэчилсэн хувилбар1-2)

2010-05-20T21:59:00.000-07:00

“Ээждээ зориулсан бидний төгөл” хөтөлбөрийн ЗҮЛЭГЖҮҮЛЭХ ажил эхэллээ

2010-05-20T21:44:00.000-07:00

Сайн байцгаана уу.

“Ээждээ зориулсан бидний төгөл” хөтөлбөр амжилттай үргэлжилж Мод тарих ажил дуусаж, зүлэгжүүлэх болон модоо ургуулах ажил эхлэж байна.
Хөтөлбөрийн хүрээнд хийгдэж байгаа ЗҮЛЭГЖҮҮЛЭХ үйл ажиллагааны бэлтгэл ажил 2010 оны 5 сарын 22-ны 10:00 цагт эхлэх тул хөтөлбөрийг дэмжиж ээждээ зориулж мод тарихаар албан ёсоор бүртгүүлсэн хувь хүн албан байгууллагууд болон дэмжигчид ЭНЭШТ-ийн урд талбайд хүрэлцэн ирнэ үү.

Хувийн бэлтгэл:
1. Савар, тармуур
2. Маск
3. Бээлий

Дэмжиж хамтран ажилласан та бүхэндээ баярлалаа.

Зохион байгуулалтын баг

Ээждээ зориулсан бидний төгөл хөтөлбөрт оролцож байгаа нийт хүмүүс үйл ажиллагааны зургуудаа татаж авна уу

2010-05-17T20:46:00.000-07:00

Ээждээ зориулсан бидний төгөл хөтөлбөрт оролцож байгаа нийт хүмүүс үйл ажиллагааны зургуудаа татаж авна уу http://share.gogo.mn/c5pW4sfjuB7171274195115/EejdeeZoriulsanBidniiTugol.rar.

Баярлалаа

“Ээждээ зориулсан бидний төгөл” хөтөлбөрийн мод тарих нээлтийн ажиллагаа амжилттай боллоо

2010-05-17T09:08:00.000-07:00

5 сарын 15-ны 10:00 цагт Хөтөлбөрийн мод тарих нээлтийн ажиллагаа амжилттай болж, ээждээ зориулж мод тарьж буй залуус болон ивээн тэтгэгч байгууллагуудын төлөөлөл болсон 200 гаруй хүн хүрэлцэн ирж модоо тарьлаа.
Хүндэт зочид модоо тариад явсаны дараа бид үлдсэн газраа модоо тарьж, бүх таригдсан мод, бутыг зөв таригдсан эсэхийг дахин шалгаж, буруу таригдсан зарим модыг дахин тарьж, ус тогтоох тогоо гаргах зэрэг нарийвчилсан ажлуудыг хийлээ. Мөн маргааш тарих газрынхаа нүхийг ухаж бэлтгэлээ.

"Ээждээ зориулсан бидний төгөл" хөтөлбөрийн мод тарих үйл ажиллагаа албан ёсоор эхэллээ. Бүртгүүлсэн хүмүүс хүрэлцэн ирнэ үү

2010-05-13T06:59:00.000-07:00

Сайн байцгаана уу

“Ээждээ зориулсан бидний төгөл” хөтөлбөрийг дэмжиж ээждээ зориулж мод тарихаар албан ёсоор бүртгүүлсэн хувь хүн албан байгууллагууд

2010 оны 5 сарын 15-ны 10:00 цагт ЭНЭШТ-ийн урд талбайд хүрэлцэн ирж мод тарих үйл ажиллагаандаа хүндэтгэлтэйгээр оролцоно уу.

Хувийн бэлтгэл:

1. Дээд талаараа цагаан хувцасаар жигдрэх

2. Мод тарих хүрз

3. Модоо услах хувин эсвэл түмпэн авч ирэх

Дэмжиж хамтран ажилласан та бүхэндээ баярлалаа.

Хөтөлбөрийн залуус Лавайн эгшиг FM 97.5- ийн нэвтрүүлэгт оролцлоо

2010-05-13T01:06:00.000-07:00

Ээждээ зориулсан бидний төгөл" хөтөлбөр амжилттай үргэлжилж байна

2010-05-08T06:08:00.000-07:00

Залуучууд цугларч байна

Захаар нь шуудуу хэлбэрээр ухаж Хайлаас тарих учир газраа хэмжиж ухах хүрээгээ зурлаа.

Анхны шангаа татаж ухаж эхэллээ

Ухсан газрынхаа шороог шигшиж нарийн ширхэгтэйг нь хар шороотой хольж модоо тарьсанаар ургахад сайн нөлөөтэй байдаг.

2 талбайн шуудуу буюу 500 орчим Хайлаас тарих газрыг бэлтгэлээ.

Хээрийн хоол амттай. Норжмоо ээжийн хөшөөний хажууд хуушуураа идлээ. Залуучууд маань нилээн ядарсан байна.

Өглөө 40 орчим залуус ирсэн боловч ихэнхи нь ажилтэй гээд ажлын дундуур явсан учир орой гэхэд 20 орчим залуус үлдлээ.
Дэмжиж байна гэж маш олон залуучууд хэлж байсан боловч, яг ажлын талбарт цөөхөн залуус ирлээ.
Одоо маргааш бас ухах газар үлдсэн байгаа. Ирээд нэг ч болов нүх ухаж өгвөл маш их баярлана.
Ямар ч байсан Ээждээ зориулсан төглөө бүтээнэ ээ

ЭЭЖДЭЭ ЗОРИУЛСАН БИДНИЙ ТӨГӨЛ хөтөлбөрийн оролцогчид мод тарих бэлтгэл ажилдаа оролцоно уу

2010-05-05T19:12:00.000-07:00

ЭЭЖДЭЭ ЗОРИУЛСАН БИДНИЙ ТӨГӨЛ хөтөлбөрийг дэмжиж, ээждээ зориулж мод тарихаар албан ёсоор бүртгүүлсэн хүмүүс 2010 оны 5 сарын 8-ний 12 цагаас Эх нялхасын эрдэм шинжилгээний төвийн урд байрлах Норжмаа ээжийн хөшөөний хажууд мод тарих бэлтгэлтэй цуглана уу. Зөвхөн 8-ний өдөр мод тарих газраа урьдчилан бэлтгэхээр боллоо.

Хувийн бэлтгэл: Маск, бээлий, шуудай, 1-2 ширхэг багаж (хүрз, лоом, жоотуу, савар, тармуур).
Жич: Танд илүү багаж байвал аваад ирж болно. Багаж илүүдэхгүй.

Ээждээ зориулж мод тарихаар албан ёсоор бүртгүүлсэн байгаа хүмүүс ЯАРАЛТАЙ ЭЭЖТЭЙГЭЭ ХАМТ АВАХУУЛСАН ЗУРГАА luvsandorjj@yahoo.com е-мэйлээр илгээх болон биечлэн авчирж өгнө үү. Хөтөлбөрийн сүлд дуу болох ЭЭЖИЙГЭЭ ГОМДООХ УЧИРГҮЙ дууны клипд орох юм аа.

"Ээждээ зориулсан бидний төгөл" хөтөлбөрийн залуус UBS ТВ-ийн "Зүрхнээс зүрхэнд" нэвтрүүлэгт оролцлоо

Ээждээ зориулсан бидний төгөл" хөтөлбөрийг дэмжиж буй байгууллага, хувь хүмүүс

2010-05-03T08:30:00.000-07:00

Ээждээ зориулж мод тарихаар албан ёсоор бүртгүүлсэн хүмүүсийн нэрс

1. Б.Дашхүү
2. Б.Наранцэцэг
3. Б.Ачхүү
4. Б.Мөнхцэцэг
5. Ц.Нармандах
6. Ж.Лувсандорж
7. Өлзий-Орших
8. Ундармаа
9. Дагвадорж
10. Д.Гантуул
11. С.Отгонтуяа
12. Д.Одонцэцэг
13. Б.Хуншагай
14. Б.Шоовдор
15. Д.Отгончимэг
16. Д.Дашням
17. М.Амгалан
18. С.Батгэрэл
19. С.Соёлмаа
20. Н.Базаррагчаа
21. Ж.Хорлоо
22. С.Уянга
23. Д.Амарсайхан
24. Д.Чулуунцэцэг
25. Т.Ганболд
26. Х.Алтанцэцэг
27. М.Түвшинбаяр
28. Т.Насанцэцэг
29. Б.Наранжаргал
30. Ц.Шийрэв
31. Б.Алтанхуяг
32. Г.Баатар
33. Л.Нүрзэд
34. Ө.Хүрэлтогтох
35. Энхцэцэг
36. Эрдэнэчимэг
37. Б.Жаргал
38. Ж.Буяндэлгэр
39. Ц.Энхжаргал
40. Ц.Отгонжаргал
41. Ц.Хишигжаргал
42. Ц.Амаржаргал
43. О.Цэрэнноров
44. Г.Норжмаа
45. Ч.Анужин
46. П.Отгонжаргал
47. П.Эрдэнэ
48. Г.Төгөлдөр
49. Н.Мөнхтөр
50. Д.Болд
51. Д.Энхжин
52. Х.Номинзол
53. А.Мэнд-Орших
54. Баяраа
55. Барсболд
56. О.Одмаа
57. Б.Сэржмядаг
58. Б.Бадмаараг
59. Б.Ишханд
60. Х.Цэрэнлхам
61. Саруулзаяа
62. Энхжин
63. Г.Туяа
64. Г.Сарантуяа
65. Г.Баттулга
66. Г.Дуламсүрэн
67. Г.Батсүрэн
68. Б.Булганчимэг
69. Т.Тамир
70. Г.Баасансүрэн
71. Л.Дулмаа
72. О.Шинэбаяр
73. Ц.Ариунбаяр
74. Д.Одонцэцэг
75. А.Мэнд-орших
76. Сугар
77. Д.Оюунболд
78. Баярхүү
79. П.Ганболд
80. С.Номинхүү
81. П.Дуламсүрэн
82. Янжив
83. Чимидцэрэн

Хөтөлбөрийг дэмжиж байгууллагаараа мод тарьж байгаа болон үйл ажиллагааны зардалд хандив өргөсөн байгууллага, хувь хүмүүс

1. Номин Холдинг 420000 ₮
2. “Fohow” компанийн хамт олон ЭНЭШТ-ийн хойт хэсэгт мод тарихаар боллоо.
3. Нийслэлийн Захирагчийн ажлын албанаас Хөшөө орчмын тохижилтын ажлыг хариуцаж ажиллахаар боллоо.
4. Нийслэлийн эмэгтэйчүүдийн холбоо, ЭНЭШТ-ийн баруун жигүүр буюу Амбултори орчимд мод тарихаар боллоо.
5. “Өгөөж ээж” компани 50000 ₮
6. Ашигт Малтмалын Газар Геологи судалгааны хэлтэс 60000 ₮
7. “BBQ Chicken” 20000 ₮
8. “Кензо 999” караоке 30000 ₮
9. “Оточ одь” эмнэлэгээс 6 хүн мод тарьна 60000₮ (6 хүний нэрс нь дээр бүртгэлтэй байгаа)
10. USA Washington DC дэхь Төмөрбат ба түүний нөхөд 500000₮
11. “Тэнгэр Ээл” ХХК 1 тонн элс
12. Цэрэнноровын үр хүүхдүүд нь ээждээ зориулж 7 мод (хүмүүсийн нэрс нь дээр бүртгэлтэй байгаа)
13. Д.Наранцэцэгийн үр хүүхдүүд нь ээждээ зориулж 5 мод (хүмүүсийн нэрс нь дээр бүртгэлтэй байгаа)

"Ээждээ зориулсан бидний төгөл" хөтөлбөрийг дэмжиж Fohow компанийн хамт олон мод тарих ажлаа эхэллээ

2010-05-02T06:55:00.001-07:00

"Ээждээ зориулсан бидний төгөл" хөтөлбөрийг дэмжиж "Fohow" компанийн хамт олон Эх нялхасын эрдэм шинжилгээний төвийн хойт талын хэсгийг хариуцаж ажиллахаар болсон бөгөөд мод тарих бэлтгэл ажлаа эхэллээ.

Хөтөлбөрийг бодитой дэмжиж байгууллагаараа идэвхитэй оролцож хойд талын талбайг хариуцаж ажиллаж буйд маш их баярлалаа.

Ээждээ зориулж мод тарих хүмүүсийг бүртгэж эхэллээ

2010-04-09T22:50:00.000-07:00

Сайн байна уу. Хөтөлбөрийг дэмжиж буй байгууллага, хувь хүмүүст маш их баярлалаа. Энэ бол зүгээр нэг мод булаад орхих ажил биш, бодитой бүтээн байгуулалт хийхийг зорьж буй чухал ажил учир дэмжиж буй хүмүүс маань өөрсдийн санал бодлоо бодит ажил хэрэг болгож хөтөлбөртөө хариуцлагатай хандаарай.

Хөтөлбөрийг дэмжигчдийн уулзалт
2010 оны 4 сарын 18-ний 14 цагаас Сортоо клубд болох тул, хүрэлцэн ирэхийг урьж байна. Уулзалтанд хөтөлбөрийн талаар дэлгэрэнгүй танилцуулж, ээждээ зориулж мод тарих хүмүүсийг бүртгэнэ. Бид бүхний тарьсан мод ЭЭЖДЭЭ ЗОРИУЛСАН БИДНИЙ ТӨГӨЛ болон Эх нялхасын төвд сүндэрлэх билээ. Оролцсон хүн бүрийн ээжийн нэрийг Хүндэтгэлийн самбарт мөнхжүүлнэ.

Хаяг: БГД, 4-р хороолол, 19-р хороо, Парадоксоос уруудаад 47-р сургуулийн зүүн талд Fohow төвийн 202 тоот
Утас:98090994, 99278174

"ЭЭЖДЭЭ ЗОРИУЛСАН БИДНИЙ ТӨГӨЛ" Хөтөлбөрийн зорьж буй үр дүн

2010-04-09T03:34:00.000-07:00

Монголын эх үрсийн хайрын илэрхийлэл Эх үрсийн ногоон төглийг Эх нялхасын эрдэм шинжилгээний төвд бүтээн босгох "ЭЭЖДЭЭ ЗОРИУЛСАН БИДНИЙ ТӨГӨЛ" хөтөлбөрт оролцоорой. Хүссэн хүн бүр ээждээ зориулж мод тарих боломжтой.

ЭНЭШТ-ийн одоогийн дүр төрх:

Хөтөлбөрийн зорьж буй үр дүн:

ЭЭЖДЭЭ ЗОРИУЛСАН БИДНИЙ ТӨГӨЛ хөтөлбөрийн явц

2010-04-08T03:24:00.000-07:00

За сайн байцгаана уу. Дэмжиж байгаа нийт хүмүүсдээ баярлалаа. “ЭЭЖДЭЭ ЗОРИУЛСАН БИДНИЙ ТӨГӨЛ” хөтөлбөр буюу Монголын олон олон эх үрсийн хайрын илэрхийлэл эх үрсийн ногоон төглийг Эх нялхасын эрдэм шинжилгээний төвд бүтээн босгох хөтөлбөр амжилттай үргэлжилж байна. Маш олон байгууллага, хувь хүн дэмжиж байна.

Хөтөлбөрийн талаарх, сүүлийн үеийн дэлгэрэнгүй мэдээллийг татаж үзнэ үү.

ЭЭЖДЭЭ ЗОРИУЛСАН БИДНИЙ ТӨГӨЛ” хөтөлбөрийн ХАМТРАН АЖИЛЛАХ САНАЛ ТАТАЖ АВНА УУ

“Ээждээ зориулсан бидний төгөл” хөтөлбөрийг дэмжигчдийн анхны уулзалт

2010-04-05T01:00:00.000-07:00

4 сарын 4-ний уулзалт амжилттай болж, зохион байгуулалтын багаа байгуулж, эхний байдлаар хөтөлбөрөө гаргалаа.

Энэ ажил бол зүгээр нэг гүйж очоод, хэдэн мод булчихаад, тэрийгээ мод тарьчихлаа гэж ярьдаг дүр эсгэсэн ажил биш гэдгийг ойлгоорой. Олон хүмүүсий хүч дэмээр, ЭХ ҮРСИЙН НОГООН ТӨГӨЛ БАЙГУУЛАХ томоохон бүтээн байгуулалтын ажил учир хүн бүр хариуцлагатай хандах хэрэгтэй гэдгийг ойлгож буй биз ээ. Тиймээс 7 хоног бүр уулзаж ярилцаж байх юм. Мөн хөтөлбөрийг дэмжиж "Ногоон хонх" ТББ-ийн залуучууд ЭНЭШТ-ийн газрыг хэмжилт хийж план зураг гаргаж өглөө. Хүн бүр чаддаг чаддагаараа туслаж байгаад маш их баяртай байна. "Ногоон хонх" ТББ-ын залуучуудад маш их баярлалаа.
Та бүхэн планыг татаж үзээрэй. Эндээс төгөл байгуулах гээд байгаа талбай нь тодорхой харагдана.

Энэхүү хөтөлбөр ямар үр дүнд хүрэх вэ гэдэг нь зөвхөн таны оролцооноос шалтгаална. Хөтөлбөрийн хүрээнд зохион байгуулагдах ажил болон цаашид хөтөлбөрийг өргөжүүлэх талаарх таны санал бодлыг нээлттэй тусгаж байна. Тиймээс таныг бидэнтэй нэгдэхийг уриалж байна. Хөтөлбөрийг дэмжигчидийн уулзалт Ням гариг бүрийн 14 цагаас Сортоо нийгэмлэгт болж байна. Манай хаяг: БГД, 4-р хороолол, Парадоксоос уруудаад 47-р сургуулийн зүүн талд FOHOW төвийн 202 тоот

Зохион байгуулалтын баг
1- Б.Дашхүү- Санаачлагч, Зохион байгуулагч, (“Сортоо” нийгэмлэг)
2- Ж.Лувсандорж- Зохицуулагч (“Яруу сэтгэгч” сэтгүүл)
3- Б.Нармандах- Олон нийттэй харилцах (Монголын гэрэлт бүсгүйчүүд ТББ)
4- М.Базаррагчаа (“Ногоон хонх” ТББ)
5- Ц.Шийрэв- Олон нийттэй харилцах (БГД 14-р хороо)
6- О.Зоригоо (Fohow компани – “Nice” баг)
7- Б.Алтанхуяг
8- С.Соёлмаа
9- Ч.Сэлэнгэ (“Сортоо” нийгэмлэг)

Утас: 98090994, 99056695, 99278174, 91113131
E-mail: sor_too@yahoo.com
Blog: www.sor-too.blogspot.com

Уулзсан залуучуудын саналаар эхний байдлаар боловсруулсан хөтөлбөрийн байршууллаа. Татаж авна уу.

Хөтөлбөрийг дэмжигчидийн уулзалт Ням гариг бүрийн 14 цагаас Сортоо нийгэмлэгт болж байна. Манай хаяг: БГД, 4-р хороолол, Парадоксоос уруудаад 47-р сургуулийн зүүн талд FOHOW төвийн 202 тоот

“Ээждээ зориулсан бидний төгөл” хөтөлбөр

2010-04-01T19:58:00.000-07:00

Уриа:
Эх үрсийн ногоон төглийг хамтдаа

Ээждээ,
Монголын бүх ээжүүддээ,
Дэлхий ээждээ зориулж мод ургуулцгаая.

“Сортоо” хүүхэд залуучуудын нийгэмлэгээс санаачилсан “Бид ээждээ хайртай” аяны хүрээнд,
“Ээждээ зориулсан бидний төгөл” хөтөлбөр буюу Эх нялхасын эрдэм шинжилгээний төвийн гадаад орчинд мод, цэцэг тарьж, арчилж тордож ургуулах ажлыг санаачлаад байна.
Эх нялхасын эрдэм шинжилгээний төвд монголын олон олон эх амаржиж монголын ирээдүй болсон олон олон хүүхэд мэндэлдэг билээ. Эх нялхаст амаржаагүй, эмчлүүлээгүй эх үр ховор биз ээ, магадгүй таны хүүхэд ч бас тэнд төрөх биз ээ. Энэ орчинг ногоон байгууламжтай болгосоноор амаржиж буй ээж нарынхаа сэтгэл санааг саруулсуулж, эх үрсийн амарч тухлах орчинтой болгох, нийслэлийнхээ ногоон байгууламжийг нэмж байгаль экологид бодитой хувь нэмэр оруулах билээ. Мөн тархины саажилттай хүүхдүүдэд ногоон байгууламж эерэг нөлөө үзүүлдэг. Энэ хөтөлбөрийг дэмжиж олон мэргэжлийн хүн ажиллаж байгаа. Мөн бид модоо тариад орхих биш (мөнгө булаад орхисоноос ялгаагүй) харин тарьсан модоо ургуулах зорилготой ажиллах юм.

Энэ үйл ажиллагааг дэмжиж ээждээ зориулан мод тарьж ургуулан хайраа илэрхийлцгээе. Хомжын нэг өдөр та Эх нялхасын хашаан доторхи өөрийн тарьсан модны хажууд ач гучаа дагуулан ирээрэй.

Хөтөлбөрийг дэмжиж хамтран ажиллах хувь хүн, нийгмийн хариуцлагатай албан байгууллагуудыг урьж байна.
Мөн та зохион байгуулалтын үйл ажиллагаанд оролцох боломжтой.
Үйл ажиллагааг дэмжигчидийн уулзалт 2010 оны 4 сарын 4-ны 14 цагаас Сортоо клуб дээр уулзацгаая. Манай хаяг: БГД, 4-р хороолол, Парадоксоос уруудаад 47-р сургуулийн зүүн талд FOHOW төвийн 202 тоот

САНААЧЛАГЧ:
“Сортоо” хүүхэд залуучуудын нийгэмлэг

ХАМТРАН ЗОХИОН БАЙГУУЛАГЧ:
“Яруу сэтгэгч” сэтгүүл
“Монголын гэрэлт бүсгүйчүүд” ТББ

ДЭМЖИГЧ:
“Fohow” компани
"Гурван бүдүүн" хамтлаг
Эх нялхасын эрдэм шинжилгээний төв
МGX хамтлаг
Баянгол дүүргийн бичил цагдаагийн тасаг
Баянгол дүүргийн 14-р хороо
“Ногоон хонх” ТББ

МЭДЭЭЛЛИЙН ДЭМЖИГЧ:
1. МҮОНРТ
2. Монцамэ
3. Info TV сэтгүүл
4. Парламент телевиз
5. www.biznetwork.mn
6. www.kaka.mn
7. www.shijir.com
8. Life FM 104
9. P3 FM 100.9
10. Лавайн эгшиг радио FM 97.5
11. BEST FM 98.5
12. Зангиатай радио FM 105,5
13. “Яруу сэтгэгч” сонин
14. UBS- “Зүрхнээс зүрхэнд” нэвтрүүлэг
15. “Эх орон” телевиз Мэдээний алба
16. UBS Music Production

ЗОХИОН БАЙГУУЛАЛТЫН БАГ:
Утас: 98090994, 88708980, 99278174
E-mail: sor_too@yahoo.com
Blog: www.sor-too.blogspot.com

ХӨТӨЛБӨРИЙН ХҮРЭЭНД ТӨЛӨВЛӨГДСӨН АЖЛУУД

4 /4. Дэмжигчдийн анхны уулзалт. Хөтөлбөрийн зохион байгуулалтын баг байгуулагдлаа.
4 /11- 5/6. Хөтөлбөрт оролцогчидыг бүртгэнэ
5 /8, 9 Хөрсөө бэлтгэнэ.
5/15, 16. Мод тарина.
5/15, 16. Цементен хашлагт чимэглэлийн зураг зурах
4/28- 5/28. “Ээждээ бид хайртай” сэдэвт зургийн үзэсгэлэнд зургаа оруулах сонирхолтой хүүхэд бүрийн зургийг хүлээн авч ЭНЭШТ-д үзэсгэлэн гаргаж эмнэлгийг танхимыг чимэглэх.
5/30. Эх нялхаст эмчлэгдэж байгаа Эх үрсэд зориулсан Эх үрсийн баяр зохион байгуулна.
6/4,5. Зүлэг тарих өдөр
6/13. “Ээждээ зориулсан бидний төгөл” нээлтийн үйл ажиллагаа буюу мод тарьсан бүх хүмүүсийн ээжүүдийг баярлуулах үйл ажиллагаа
• Хүүхдүүдийн ээждээ зориулсан зургаар үзэсгэлэн гаргана.
• Хүүхдүүдийн урлагийн тоглолт
• Цэцгийн мандал байгуулах үйл ажиллагаа
6- 9 сар. Долоо хоног бүр, хөтөлбөрийн залуус мод зүлгээ арчилж, хоорондоо танилцаж, хүүхдүүдэд зориулсан хөтөлбөр зохиодог байх. Эмнэлэгт хэвтэж буй эх, хүүхдүүдэд сэтгэлийн дэм болгох.
6 сарын Бямба гариг бүр. Үлгэрийн үдэш. Ахмадууд эмчлэгдэж байгаа эх үрсэд үлгэр ярих үлгэрийн үдэш зохион байгуулна.

“ЭЭЖДЭЭ ЗОРИУЛСАН БИДНИЙ ТӨГӨЛ” Хөтөлбөрийн сүлд дуу

Хөтөлбөрийн товч танилцуулга

ЭЭЖДЭЭ ЗОРИУЛСАН БИДНИЙ ТӨГӨЛ” хөтөлбөрийн Товч танилцуулга -

Татаж авах

Хөтөлбөрийн зорьж буй үр дүн, тарих талбайн хэмжээ, хөтөлбөрт хэрхэн оролцож болох зэрэг бүх талын дэлгэрэнгүй мэдээлэл

Ээждээ зориулсан бидний төгөл хөтөлбөр

View more presentations from Ж. Лувсандорж.

ХӨТӨЛБӨРИЙН ДЭЛГЭРЭНГҮЙГ ТАТАЖ АВАХ

2010 онд төлөвлөгдсөн ажлууд

2010-03-31T08:52:00.001-07:00

1. 2010.01.01- 2010.06.22 – “Бид ээждээ хайртай” аян
Үндэслэл:
Хүн бүр л ээжийнхээ ачийг хариулахсан гэж боддог, бүгд л ээждээ хайртай байдаг. Гэхдээ бид ээждээ хайртай гэж хэлдэг билүү? Хэвлийдээ арван сар тээж, хүмүүний орчлонд төрүүлсэн ачит ижийдээ сэтгэлийнхээ гүнээс хайртай гэж хэлэх тийм хэцүү гэж үү? Үрийнхээ төлөө цаг үргэлж санаа нь зовж суудаг бурхан ээжийнхээ сэтгэлийг нь дэвтээж ХАЙРТАЙ гэдгээ хэлэх нь ачийг нь хариулах сайн үйлсийн эхлэл билээ.

Уриа:
Үртэй хүний жаргалыг өдөр болгон мэдрүүлж
Үгсийн сайхныг өдөр бүр хэлцгээе

1) “Бид ээждээ хайртай” CD
2) “Ижийгээ гомдоох учиргүй” дууны клип
3) “Би ээждээ хайртай” гар зураг, зохион бичлэгийн уралдаан
4) Уралдаанд түрүүлсэн зургуудыг плакат болгон хэвлүүлэх
5) “Бид ээждээ хайртай” нэвтрүүлэг, зохиомж
6) “Бид ээждээ хайртай” лекц семинар
7) Эх Нялхасын Эрдэм Шинжилгээний Төвийн гаднах орчинг тохижуулах, цэцэрлэгжүүлэх
8) Эх үрсийн баярт зориулсан массыг хамарсан бүжиг
9) Гишүүдийн дунд “Бид ээждээ хайртай” өдөрлөг

2. 2010.02.01-с 2010.06.01 – “Бид нэг гэр бүл” Хайти-д туслах аян

Үндэслэл:
Саяхан, 1-р сарын 12-нд алс холын Америк тивийн Гайти /Haiti/ улсад 7,3 баллын хүчтэй газар хөдлөлт болж олон зуун мянган хүн үхэж, олон мянган хүүхэд өнчирлөө. Хэлж ирдэггүй хийсч ирдэг гай зовлон тэднийг дайрч гарчээ. Монголчууд, монголын ард түмэн бидэнд ч гэсэн зуд турханаас авхуулаад асуудал бэрхшээл их бий. Гэхдээ орох оронгүй, оочих аягагүй болж биднээс илүү зүдэрч байгаа Гайтигийн хүүхдүүдэд, багачуудад туслая. Тоглох тоглоомгүй, идэх хоолгүй өнчрөн хоцорсон тэдгээр хүүхдүүдэд тоглоом хандивлан, монгол хүүхдүүдийн чин сэтгэлийн анд нөхдийн захидлыг хүргэж бага ч гэсэн сэтгэлд нь гэрэл гэгээ бэлэглэе

Уриа:
Бид нэг гэр бүл

1) Хандивийн тоглолт зохион байгуулах
2) Тоглоом цуглуулах
3) Захидал, гар зургуудийг хүлээн авах
4) Залуу уран бүтээлчдээр Michael Jackson-ий “We’re The World” дууг дуулуулж, клип хийх

Бие даан болон хамтран зохион байгуулсан ажил

2010-03-31T08:48:00.001-07:00

Бие даан зохион байгуулж хийсэн ажлууд
1. 2007.07.14-с 2007.10.14 – Оюутан залуусын зуны амралтанд зориулсан танилцах өдөрлөгүүд
2. 2007.07.15-с 2007.11.14 – Нэн ядуу хүмүүст туслах зорилгоор хуучин хувцас, ном, тоглоом цуглуулан хандивласан сайн үйлсийн аян
3. 2007.10.28-нд – “ДОХ-ын эсрэг хамтдаа” диско шоу /өдрийн цагаар, архи тамхигүй орчинд/
4. 2007.11.15-с 2007.11.17 – Хүүхэд залуусын мэдлэг боловсролд зориулсан сургалт, лекцүүд /амьдрах ухаан, амжилтын нууц, зөв хооллолт/
5. 2007.12.12-нд – Өөрсдийн хандиваар цугларсан хувцасыг хогийн цэг дээр ажиллаж байгаа хүмүүст хандивлав.
6. 2008.01.05-с 2008.02.05– Өндөр настай, ганц бие өвөө, эмээ нарт туслах нэг сарын аян
7. 2008.02.13-нд – Гэгээн Валентинийн өдөрт зориулан хайрын дуутай CD-г ганц бие 100 залууст бэлэглэсэн.
8. 2008.03.18-нд – Мартын 8-аар “Эрхэмсэг бүсгүй танд” нэртэй урмын үг тараах өдөрлөг зохион байгуулсан /2000 хүнд тараагдсан ба мөн энэ үеэр эмэгтэйчүүдэд үнэгүй таксигаар үйлчилсэн/
9. 2008.04.28-нд – Нацагдоржийн нэрэмжит хотын төв номын сангийн өмнөх талбайд мод тарьсан
10. 2008.05.05-нд – Нийслэлийн тохижилтонд туслах зорилгоор хогийн саванд хогоо хийсэн хүмүүсийг урамшуулах зорилгоор бэлэг гардуулсан /100 гаруй хүнд/
11. 2008.10.21-нд – Хараагүй хүүхдийн 116-р сургууль дээр өдөрлөг зохион байгуулж, багш сурагчдад бэлэг гардуулсан
12. 2009.08.14-нд – Нярайн асрах төвийн гаднах орчинг цэвэрлэв.
13. 2009.10.20-нд – Хөдөлмөрийн хүнд нөхцөлд ажиллаж байгаа ээжийг баярлуулах зорилгоор нэг өдрийнх нь ажлыг өмнөөс нь хийж, гарын бэлэг гардуулав
14. 2009.09.20-с 2009.09.27 – “Ээждээ хайртай гэж хэлцгээе” уриалгын захидалыг 4000 гаран хүнд тараав.
15. 2010.01.29-нд – ТҮК-д ажилдаг амьдралын баталгаажих түвшингөөс доогуур амьдралтай, өрх толгойлсон гурван ээжийг баярлуулах зорилгоор өмнөөс нь ажлыг нь хийж, хамтран ажилладаг байгууллагуудынхаа гарын бэлгийг гардуулав.

Хамтран зохион байгуулсан ажлууд
1. UBS телевизийн “Хогондоо” шоунд ард иргэдтэй хамтран оролцов.
2. “Ногоон төгөл” төслийн хүрээнд хийгдсэн мод тарих ажилд хамтран оролцов.
3. NTV телевизийн “Улаан таван хошуу” нэвтрүүлэгтэй хамтран Метрополис клубт Валентинийн үдэшлэг зохион байгуулав.
4. “Баясук ба түүний нөхөд” сайн үйлсийн аянг хамтран зохион байгуулав.
5. “Гурван бүдүүн” хамтлагийн “38-тай аав” тоглолтыг хамтран зохион байгуулав.
6. Монголын үндэсний телевизээс зохион байгуулсан “Тамхины эсрэг шоу”-г дэмжин оролцов.

Шар хантаазтануудад чин сэтгэлээсээ тусаллаа

2010-03-31T08:36:00.000-07:00

“Сортоо” хүүхэд залуучуудын сайн дурын клубын хамт олон “Бид ээждээ хайртай” аяныхаа хүрээнд хүнд хэцүү хөдөлмөр эрхэлдэг 3 ээжийг баярлуулахаар шийдэж, БГД-ийн ТҮК-ийн ажилтан Ш.Шүрэнцэцэг, Б.Даваасүрэн, Р.Чимгээ гэсэн 3 ажилтанг сонгожээ. Сайхан ээж нараа баярлуулахын тулд цэвэрлэх ёстой байсан замыг 1-р сарын 29-ний 00 цагаас эхлэн үүрийн 5 цаг хүртэл цэвэрлэжээ.
Өглөө нь ТҮК-ийн ажилчид ажилдаа ирээд цэвэрлэх ёстой байсан бүх зам нь цэвэрхэн болчихсон байхыг хараад мэл гайхаж байлаа. Гайхаад зогсож байхад нь “Сортоо” клубын залуучууд очиж, “Та бүхнийг өөрсдийн ариун цагаан хөдөлмөрөөрөө баярлуулж, нэг өдөр ч болов амраах гэж” бид энэ ажлыг хийсэн тухайгаа хэлж гарын бэлэг болон орчинг цэвэрхэн байлгадагт баярласан “Fohow” компани, Түн Дэ Мүн, Ивээлхүү ХХК, “Cueen chicken” зэрэг байгууллагуудын бэлгийг гардууллаа.
ТҮК-ийн ахлагч Л.Алтантуяа хэлэхдээ, энэ компанид 6 жил ажиллахдаа залуучууд ийм ажлыг санаачлаад, ээж шигээ хүмүүст туслаж байсан тохиолдол байгаагүй ээ. Энэ залуучуудад маш их баярлалаа. Залуучууддаа сайнаар үлгэрлэж байгаагаар нь бахархаж байгаагаа хэлж байлаа.
Нийслэл хотоо гоо сайхан болгох гэж үүрийн таван жингээр босож үдшийн бүрий хүртэл бөртийн ажиллах Шар хантаазтай баатруудыг нэг өдөр ч дулаан гэртээ амрах боломж олгосон “Сортоо” клубын хүүхэд залуучуудад баярлалаа.
Аз жаргалтай амьдрал, жинхэнэ баялгийн нэг нууц нь нэгэндээ туслах билээ. Бид юунд ч ганцаараа хүрдэггүй. Аливаа зүйлээр элбэг дэлбэг байх нь бусдын тусламжгүйгээр олдох нь тун ховор. Та бусдад бие, сэтгэл санаа, эд материалын хичнээн тусыг хүртээсэн ч энэ нь угтаа та өөртөө л тусалж байна гэсэн үг. Тиймээс Сортоо клубын хүүхэд залуучууд хүн бүрийг сайн үйлсд уриалж байна.

Сайн үйлс бүхэн нарын цацраг лугаа дэлгэрэх болтугай.

“Сортоо” хүүхэд залуучуудын сайн дурын клуб

СОРТОО хүүхэд залуусын сайн дурын нийгэмлэг

2010-03-31T08:20:00.000-07:00

Товч танилцуулга:
СОРТОО хүүхэд залуусын нийгэмлэг нь нийгмийн сайн сайхны төлөө сайн дурын үйл ажиллагаа явуулдаг, шашин ба улс төрөөс ангид төрийн бус байгууллага юм.

Зорилго:
Өндөр ухамсар, өргөн мэдлэгтэй, сайн бүхний жишиг болсон цогцлоон бүтээх агуу их эрч хүчтэй залуу үеийг төлөвшүүлэхэд оршино.

(Сортоо гэдэг үгийн тайлбар:
Цог жавхлантай, хийморьлог гэсэн утгатай монгол үг билээ)

Хаяг: Баянгол дүүрэг, 4-р хороолол, 19-р хороо, 53б байрны 202 тоот. /47-р сургуулийн хашаанд FOHOW төв/
Утас: 98090994, 91113131
И-Мэйл: sor_too@yahoo.com
Блог: http://www.sor-too.blogspot.com